Balaodnon nga mag-regulate sa mga peryahan gisuportahan ni Kon. Esparcia

SUPORTADO ni Konsehal Bernie Esparcia, Chairman sa Climate Change, sugyot ordinansa nga mag-regulate sa mga gagmay ug dagko nga peryahan dinhi sa syudad.

Atol sa tigom sa Komite sa Games and Amusement nga gidumala ni Konsehal Roger Abaday, gipasabot sa konsehal nga adunay balaod ang syudad nga nagdili sa sobra ka saba ug kusog nga sound system.

May balaod usab ang syudad nga nagdili sa mga menor de edad nga magsugal, samtang ang mga videoke bars taman lamang sa alas 10:00 sa gabii aron dili kini makadisturbo sa mga tawo nga nagpahulay.

Gisugyot usab ni Konsehal Esparcia nga kinahanglan magsumite ang mga tag-iya sa peryahan sa listahan sa ilang mga empleyado ug kinahanglan nga makauniporne kini aron mailhan nga sila trabahante sa maong peryahan.

Gikinahanglan usab nga adunay pansayan ug basurahan ang mga peryahan.