XU mihangyo og tax exemption sa ipahigayong theatrical play

TUKION sa Komite sa  Ways and Means ubos ni Konsehal George Goking  sa umaabot nilang tigom ang sulat  ni  Aulexandrite Rheeva Nollora, production manager  sa Xavier University.

Si  Nollora  mihangyo og exemption pagbayad sa amusement tax sa ilang theater play nga giulohan og “The Post Office” nga ipasundayag sa umaabot  Marso 25 diha sa XU Little Theater.

Ang  pasundayag maoy 11th Theater Season sa The Xavier Stage, usa ka campus-based theater guild sa Xavier University.

Sumala pa nga dili lang kini basta nga theatrical  performance  apan  magsilbi usab kini nga academic enhancement sa mga tinun-an sa maong universidad.

Gitumong usab kini sa pagpalambo sa talento sa mga local stage actors. (JRGalano/SP)