Waste to energy (WTE) project gisugyot ipatuman sa CDO

Gipaabot tun-an sa komite sa environment ni Konsehal Roger Abaday ang sugyot pagpatuman og waste to energy (WTE) project dinhi sa dakbayan sa Cagayan de Oro.

Kini human ang SMIC Sustainable Solutions Ltd, usa ka kompanya gikan sa Limassol, Cyprus, mipadayag sa ilang dakong interest dinha sa posibleng pag-convert sa mga basura ngadto sa enerhiya gamit ang DaxiomTM Technology.

Giingon nga ang maong teknolohiya dili sama sa incinerator ug dili ipaagi sa pagsunog ang pag-generate sa enerhiya.

Kini nga teknolohiya naggamit sa kainit ug uban pang catalysts in a closed system aron ma-usab ang organic wastes ngadto sa SynGas ug mahimong magamit sa elektrisidad o’ usable diesel, jet fuel ug uban pang liquid fuels.

Matod pa nga dakong tabang sa pagpangita sa tinubdan sa enerhiya ang nahisgotang teknolohiya gawas pa nga makatabang kini pagproteher sa kinaiyahan.