Walo ka iskolar sa CDO gipahalipayan

SI Konsehal Suzette Magtajas-Daba, chairman sa komite sa edukasyon,

kinasing kasing nga mipahilapay sa walo ka mga Iskolar sa Dakbayan (IsDa) nga mipasar sa gipahigayon Social Worker Licensure Examination 2022 sa milabayng semana.

Dakong garbo dili lamang sa ilang tagsa-tagsa ka pamilya kun dili sa kagamhanan sa dakbayan sa Cagayan de Oro ang nakab-ot nga mga pangandoy sa ilang kinabuhi nga mamahimong lisensyadong social workers, pamahayag sa konsehal.

Lakip sa gipahalipayan mao sila si Leizil Caballero, Michelle Rose Codilan, Connie Delgado, Aminah Delmundo, Angel Marie Llanita, Crissa Mirador, Sherebiah Nagac, Eric Ramos Jr., Angel Mae Roa ug Bless Dane Wacan.

Nanghinaut si Daba nga magamit nila ang ilang abilidad diha sa pag-alagad sa komunidad sa dakbayan.

Nagbunga ang tanang pagpaningkamot ug kakugi sa pag-eskwela ug mao kini ang sinugdanan sa lakang nga makaempleyo sa mga inilang buhatan, pribado man o gobyerno, aron maangkon ang kaarangan sa kinabuhi ug kalamboan sa matag pamilya, panapos ni Konsehal Suzette Magtajas-Daba.