VUA tali TIEZA kalabot sa paggamit sa syudad sa APICC giuyonan

HINIUSANG giuyonan sa Konseho atol sa sesyon niadtong Lunes nga gidumala ni Presiding Officer Pro Tempore Konsehal Romeo Calizo ang ordinansa nga nagtugot ni Mayor Klarex Uy pagpirma sa Venue Usage Agreement (VUA) tali sa Tourism Infrastructure and Enterprise Zone Authority (TIEZA) nga girepresentahan ni TIEZA Chief Executive Officer Mark T. Lapid.

Kini naglangkob sa paggamit sa syudad sa Aquilino Q. Pimentel, Jr. International Convention Center (APICC) diha sa Sitio Taguanao, Indahag isip venue sa City Mayor’s Annual Report atol sa pagsaulog sa ika-74 nga Charter Day niadtong Hunyo 15, 2024.    

Ang ordinansa nga gipalabang alang sa maong katuyoan gipaluyohan sa Komite sa Turismo ubos ni Konsehal Jay Pascual ug Komite sa Pamalaod ug Reglamento ni Konsehal Edgar Cabanlas.