VM Bebot misuporta sa pagtukod sa CDO Greenbelt

“SA Manila aduna nay mga walkway ug accessible kaayo sa mga lungsuranon.”

Kini ang pamahayag ni Bise Mayor Bebot Rodriguez atol sa sesyon sa konseho niadtong Lunes agi’g reaksyon sa taho ni Konsehal Ian Mark Nacaya nga pagtukod og CDO Greenbelt.

Namatikdan sa bise mayor didto sa kauluhan nga kun sa walkway ka mag-agi landong ang imong pagalakwan, dili ka maulanan, ug dili ka mainitan hangtod moabot ka sa imong destinasyon.

Sa iyang kasinatian isip nurse sa United States of America (USA) dako ang ikatabang sa mga pedestrian walkways kay human mag-park sa sakyanan anaa nay diretso nga agianan ug dali ka na makaabot sa gusto mong adtoan.

Malaumon si Bise Mayor Bebot Rodriguez nga mahatagan sa igong pagtuon ug rekomendasyon sa Komite sa Finance, Budget and Appropriations ni Konsehal Alam Lim, Komite sa Planning and Innovation ni Konsehal Nacaya, Komite sa Public Works ni Konsehal John Michael Seno ug Komite sa Trade and Commerce ni Konsehal George Goking.