VM Bebot mipatino sa giingong false ads sa mga insurance companies

LUOY ang atong mga molopyo nga mabiktima sa sayop nga patalastas sa mga insurance companies. Mao kini ang reaksyon ni Bise Mayor Bebot Rodriguez sa special report ni Konsehal Ian Mark Nacaya kalabot sayop nga mga pahibalo ug patalastas sa mga health insurance companies sa mga benepisyong makuha gikan sa insurance plans.

Matod pa nga daghang mga health insurance plan holders ang biktima sa pasalig sa kompanya sa insurance nga ang benepisyo mapahi-muslan taman mag-edad og 65 anyos apan ang tinuod, magamit lang maka-usa ug dili na maglangkob sa ikaduha pang susamang pagsakit.

Unta matino kini sa komite sa health and health insurance ni Konsehal Malou Gaane aron matumbok ang mga insurance companies nga gahimo sa hiwing binuhatan tungod kay dili kini makatarunganon sa mga planholders kinsa nagbayad sa saktong premium, pamahayag ni Bise Mayor Bebot Rodriguez.