VM Bebot mipahalipay sa mga kabataan nga nagdala’g dungog sa dakbayan

HINIUSANG gihatagan og pasidungog ug pahalipay sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang kabataang nagmalampuson sa lain-laing internasyonal nga kompetisyon sa World International Mathematical Olympiad nga nagdala og dakong garbo ug dungog dili lang sa dakbayan sa Cagayan de Oro kun dili sa tibouk nasud sa Pilipinas.

Kini naglangkob nila ni Rey Stephen Chua (Xavier University Senior High School)-senior secondary category; Marie Nicole Andrea Viñas (Xavier University Senior High School)-secondary 3 category ug Shadi Kent Al Hamoud (Corpus Christi School)-secondary 3 ang nakakuha sa gold medal; Denn Ethan Josh A. Castro (St. Mary’s School)– primary 5 category; Jonny Cape Nale (City Central School)-Kindergarten category; Ria Tauri Diaz (Corpus Christi School)-Primary 3 category; Spica Clariz Diaz (Corpus Christi School)-Primary 5 category; Dzabel Sabanto Bonjoc (City Central School)- primary 6 category; Ethan Bryan See og Samantha Kaye Asuncion (Oro Christian Grace School)- primary 6 category; Denn Ethan Josh Angon (St. Mary’s School of Cagayan de Oro)-primary 6 category ug Miguel Rodriguez IV (City Central School) Primary 4 category ang nakakuha sa silver medal, Enzo Bryan See (Oro Christian Grace School)- primary 1 category; Leinel Kassidy Chua (Oro Christian Grace School)- primary 4 category; Victoria Albarece (Xavier University Grade School)-primary 5 category; Rafael Ethan Joseph Abas (St. Mary’s School of Cagayan de Oro)-primary 6 category ug Katriona Mischka Dablio (Oro Christian Grace School)- secondary 1 category ug Richmond Rafael Escaño (Corpus Christi School)-senior secondary category ang nakasukmit sa bronze medal.

Samtang tulo ka tinun-an ang nakakuha sa merit award nga gikan sa Oro Christian Grace School gilangkoban nila ni Ricardo Neri III - primary 1 category; Samuel James - primary 6 category og Zachary Austin Cue - secondary 1 category ug Jaina Aytu Albarece (Liceo de Cagayan University Senior High School)- senior secondary category ang nakasukmit sa SIMSO Science Achiever.

Lakip sa gipahalipayan sila si Theodore Bryce Go (Oro Christian Grace School), 2nd prize award –Kindergarten category; Ravi Mikhail Garcia (Oro Christian Grace School), 2nd prize award- primary 5 category; Hans Bentley Sio (Kong Hua School), 2nd prize award- primary 6 category ug 3 ka tinun-an sa Xavier University Grade School Vince Mark Pachica og Diego Vittorio Lambino, 3rd prize award-primary 1 category ug Imran Jibril Panolong- secondary 2 category.

Si Bise Mayor Bebot Rodriguez, kinsa nangamahan sa resolosyon nga gisagop alang sa maong katuyuan, malaumon nga ang maong international competition naghatag og inspirasyon sa uban pang Kagay-anong tinun-an aron maninguha nga mapalambo usab ang ilang pagbansay sa pagsalmot sa mga kompetisyon.

Ang maong resolusyon gipaluyuhan usab sa komite sa edukasyon ni Konsehal Suzette Magtajas-Daba ug komite sa pamalaod ni Konsehal Edgar Cabanlas.