VM Bebot mipahalipay sa malampusongkasaulogan sa Adlaw sa Karta, 1st SoCA

HUGOT nga gipaha-lipayan ni Bise Mayor Bebot Rodriguez si Mayor Klarex Uy sa malampuson nga unang State of the City Address (SoCA) ug mga kalihokan pahaum sa kasaulogan sa ika-73 nga Adlaw sa Karta.

Ang SoCA gipahigayon didto sa bag-ong gisubhan nga Aquilino Q. Pimentel Jr. International Convention Center dinha sa Taguanao, Barangay Indahag atubangan sa tibouk konseho atol sa gihimong special session sa milabayng semana.

Ang sesyon ug unang SoCA gitambongan nila ni Misamis Oriental Governor Peter “Sr. Pedro” Unabia, Misamis Oriental Vice Governor Jigjag Pelaez, Misamis Oriental provincial board members, mga kapitan sa 80 ka barangay, kanhi mga opisyal sa dakbayan, regional directors sa lain laing ahensya sa nasudnong gobyerno ug representante sa lain laing civil society organizations ug non-government organizations.