VM BEBOT MALAUMON MAPROTEKTAHAN NA SA HINGPIT MGA LANGUB SA CDONamugnang Cave Mgmt-TWG mibisita sa

Dako ang paglaum ni Bise Mayor Bebot Rodriguez nga mapatuman na sa hingpit ang mga lakang pagroteher sa mga langub sa syudad ilabina sa Macahambus Cave.

Kini human mibisita sa bise mayor ang namugnang Cave Management Technical Working Group sa dakbayan sa Cagayan de Oro nga gilangkoban sa kadagkoan ug mga kawani sa CLENRO, CENRO ug PENRO.

Mahinumduman nga ang konseho mipalabang sa ordinansa nga naghatag og katungod ni Mayor Klarex Uy pagpirma sa Memorandum of Agreement (MoA) tali sa rehiyonal nga buhatan sa Department of Environment and Natural Resources (DENR-10).

Ang maong MoA naglangkob sa kolaborasyon sa dakbayan ug DENR dinha sa pagmugna sa Caves and Cave Resources Conservation, Management and Protection (CCRMP) ilabina ang Macahambus Cave ug uban pang mga langub nga nasulod sa teritoryo sa Cagayan de Oro.

Sa maong MoA, ang DENR gitahasan sa pag-regulate sa pagkolekta ug pagtangtang sa mga cave resources sa Class II caves sa dili pa ang suitable clearance gikan sa Protected Areas and Wildlife Bureau (PAWB) LGU ug National Museum; maghimo og trainings ug susamang mga serbisyo ngadto sa lokal nga kagamhanan aron maseguro ang epektibong pagproteher, pagpalambo ug pagdumala sa mga langub.

Samtang ang dakbayan gitahasan sa pag-provide sa gikinahanglang manpower ug financial resources alang sa katumanan sa programa; pagsukip sa cave management plan sa land use, development, investment ug revenue plans sa syudad ug pagdasig sa pribadong sektor dinha sa pag-abag sa tukmang pagdumala sa mga langub.