Vertical parking space gisugyot ni Nacaya

“MAAYO ug uyon ako nga ang pipila nga pampublikong luna sa dakbayan angayang gamiton alang sa paradahan sa mga sakyanan.”

Kini ang reaksyon ni Konsehal Ian Mark Nacaya, Chairman sa Komite sa Planning, Research and Innovation and Peoples Organization, sa special report ni Konsehal Romeo Calizo atol sa sesyon niadtong Lunes nga gidumala ni Bise Mayor Bebot Rodriguez kalabot sa hisgutanan sa trapiko ug sa pagdumala sa parkingan  dinhi  sa syudad.

Mipasabot si Nacaya nga dili nata makahatag og traditional parking diha sa pipila nga mga lugar tungod sa kadaghan sa mga sakyanan nga gadagan ug limitado lang ang pag-alokar sa parkinganan sa matag establisemento.

Gidugang  sa  konsehal nga suportado niya ang sugyot ni  Konsehal Calizo  nga ipalambo ang traffic ug parking management hinungdan iyang gisugyot ang pag-imbitar og mga investor o  mga pribadong sector nga mahimong makatukod  og  mga vertical parkings  pinaagi sa Public-Private Partnership (PPP).

Dako ang paglaum ni Konsehal  Nacaya nga matutokan kini sa Komite sa Public Utilities ug sa Komite sa Planning.