Usa ka lugar alang sa e-games, e-bingo, ubnp gisugyot

GIDUSO sa komite sa games and amusement ni Konsehal Roger Abaday ngadto sa buhatan sa City Planning and Development (CPDO) ang sugyot nga ibutang sa usa ka dapit ang mga negosyong naglambigit sa e-games, e-bingo ug susamang mga patigayon.

Sumala ni Abaday nga masayon pagdumala ug pagbantay sa seguridad kun usa lang ang lugar diin mapahimutang ang maong matang sa negosyo sama sa ubang mga nasud diin nahimo na usab kini nilang tourist destination.

Kinahanglang matun-an pag-ayo ang sugyot aron masayon alang sa tanan, sumpay sa konsehal.Mahinumduman nga si Konsehal Ian Mark Nacaya una nang misugyot nga mahiusa sa usa ka establismento o’ dapit ang maong matang sa negosyo.

Niini, malaumon si Abaday nga matun-an pag-ayo ang sugyot ug masumete sa buhatan sa CPDO ngadto sa komite ang gikinahanglang plano ug programa.