Tukmang authority ang makasulbad sa isyu tali LWUA, COWD - Abbu

“ATONG hinumdoman nga bisan public interest ang gimbuhaton sa Cagayan de Oro Water District (COWD), ang Local Government Unit (LGU) walay kontrol sa ilang pagdumala.” 

Kini ang gibutyag ni Konsehal Joey Abbu, Chairman sa Komite sa Labor, agig reaksiyon sa taho ni Konsehal James Judith kabahin sa legalidad sa pagtudlo sa Local Water Utilities Administration (LWUA) sa Interim Manager ug Interim Board of Directors sa COWD.

Matod sa konsehal nga problema kini tali sa (LWUA) Interim Board of Directors ug sa regular Board of Directors sa Cagayan de Oro Water District nga gikinihanglan maresolbar sa tukmang authority ug dili kita sa Konseho.

Gisugyot ni Abbu nga dili na angay pabilohan ug dugangan pa ang isyu kay moabot ra ang tukmang panahon ug proseso nga maresolba  kini dili sa pamaagi sa opinyon sa DOJ.