Tribal Justice System padayong gitun-an - Cabaring

PADAYONG gitun-an sa Komite sa Cultural Communities ubos ni Konsehal Roberto Cabaring ang sugyot ordinansa nga magtukod og tribal justice system alang sa mga lumad dinhi sa syudad.

Mahinumdoman nga sa iyang special report, si Konsehal James Judith misugyot nga ang mga bangi nga naglambigit sa mga IPs diha lang una ipaagi sa ilang IP justice system sa dili pa kini husayon sa Katarungang Pambarangay.

Matod ni Cabaring nga ang IP walay limit sa kaso kay wala man prisohan busa gikalipay sa konsehal nga matutokan ug matukod gyud ang maong sistema.

Si Atty Jerie Ragsac, representante sa NCIP-10 mibutyag nga dili man bawal nga magtukod og tribal justice system ug iyang gisaad nga andam ang ilang opisina sa pag-abag aron makab-ot ang panag-uyon kay ang maong sistema gawas nga maghatag og gahum sa ilang kultura, marekognisar usab ang ilang IP justice system.

Niini, gipaabot sa komite si Konsehal James Judith, II nga magduso sa draft ordinance sa aron usab kini matun-an sa mga hintungdang ahensya sa gobyerno.