Trade mission paingon sa Jakarta giplano

Gilaraw sa mga opisyal sa dakbayan sa Cagayan de Oro ang pagpahigayon og trade mission ngadto sa Jakarta, Indonesia sa umaabot na Oktubre 2023.

Kini, human mibisita dinhi sa dakbayan ug sa probinsya sa Misamis Oriental si Ambassador Agus Widjojo sa Republic of Indonesia pinaagi sa pagdapit ni Gov. Pedro Unabia aron mamugna ang panagtambayayong sa duha ka nasud. Nasayran nga usa ang Oro Chamber sa mipasiugda og panihapon diha sa Limketkai Luxe Hotel agig pagpahinungod sa pagbisita sa maong ambassador.

Niini, si Goking malaumon nga ang kalihokan maghatag og dugang kalamboan sa ekonomiya sa higayon nga adunay mga langyawng negosyante nga mobobo sa ilang puhunan dinhi sa dakbayan ug kasikbit nga mga dapit.