Tourism code padayong tun-an sa komite ni Kon. Pascual

PADAYONG tun-an sa Komite sa Tourism ubos ni Konsehal Jay Pascual ang pag-revise sa Tourism Code sa dakbayan.

Kini human nadungog sa milabayng tigom gikan sa mga hintungdang dinapit ang ilang mga rekomendasyon ug opinyon sa laraw pag-update sa Tourism Code.

Gipasabot ni Pascual nga gikinahanglan ang rebisyon sa Tourism Code tungod kay 20 na ka tuig ang milabay sukad kini naaprobahan ug pipila sa mga probisyon niini dili na applicable karong panahona.

Niini, gitahasan sa komite ang Technical Working Group sa pagsubmit sa final draft sa ordinansa ug isukip ang mga nakuhang opinyon ug rekomendasyon aron matuki sa umaabot Nobyembre 28, ning tuig, uban sa pagdapit sa buhatan sa Department of Tourism, City Tourism Council, ug City Local ENRO.

Mitambong sa tigom si Konsehal Aga Suan kinsa mipadayag sa iyang hugot nga pagsuporta sa pag-update sa Tourism Code aron kini mahaom sa panginahanglanon karong panahona.