Top 1 sa Civil Eng’g Exams gipasidunggan sa konseho

Kusganong gipasidunggan sa Konseho sa syudad ubos ni Bise Mayor Bebot Rodriguez ang Kagay-anong topnotcher sa gipahigayong Civil Engineering Licensure Exams niadtong Abril 2023.

Si Garret Wilkenson Ching Sia, kinsa nakakuha sa unang puwesto sa grado nga 92.10, gradwado sa De La Salle University – Manila. Ang batan-ong Kagay-anon nagdala og dakong garbo ug dungog sa dakbayan sa Cagayan de Oro tungod kay dili tiaw ang kalampusan nga iyang naangkon, pamahayag ni Bise Mayor Rodriguez kinsa maoy gipangamahanan sa resolosyon nga gisagop sa konseho alang sa maong katuyuan.

Kini si Sia nagtungha ug gradwado sa Oro Christian Grace School dinhi sa dakbayan, dugang pamhayag ni Rodriguez.