Teen center gilantaw matukod diha sa 13 ka NHS

PABORABLENG giduso sa Komite sa Edukasyon ubos ni Konsehal Suzette Magtajas-Daba ngadto sa Komite sa Reglamento ug Pamalaod ni Konsehal Edgar Cabanlas ang hangyo ni Mayor Klarex Uy sa pagpalabang sa ordinansa nga magtugot kaniya sa pagpirma sa Memorandum of Agreement (MoA) tali sa 1st Valley Credit Cooperative, City Hall Employees Multipurpose Cooperative, COA Prime Investors Multipurpose Cooperative, King Multipurpose Cooperative, Oro Savings and Sharing Multipurpose Cooperative, Xavier University Community Credit Cooperative ug sa Department of Education-Division of Cagayan de Oro.

Kini kabahin sa kolaborasyon sa pag-estabilisar og teen center alang sa napiling 13 ka National High School sa syudad mao ang: Tignapoloan NHS, San Simon NHS, Tagpangi NHS, Iponan NHS, Macasandig NHS, Pedro Oloy N. Roa Sr. NHS, Carmen NHS, Bulua NHS, Lapasan NHS, Angele Sisters NHS, Lapasan NHS, Patag NHS, Pagalungan NHS, ug Canitoan NHS.

Tumong sa maong center nga magamit sa mga tinun-an sa maong mga tunghaan alang sa programa kabahin sa panglawas, mental health ug ilabina ang isyu sa teenage pregnancy ug uban pa.