𝐏𝐚𝐠𝐩𝐚𝐡𝐢𝐠𝐚𝐲𝐨𝐧 𝐬𝐚 𝐓𝐚𝐥𝐞𝐧𝐭𝐚𝐝𝐨𝐧𝐠 𝐊𝐚𝐠𝐚𝐲-𝐚𝐧𝐨𝐧 𝐦𝐚𝐥𝐚𝐦𝐩𝐮𝐬𝐨𝐧

Malampusong gipahigayon ang grand finals sa 1st Mayor Rolando “Klarex” Uy Talentadong Kagay-anon diha sa Plaza Divisoria niadtong Agosto 20, ning tuig. Kini usa sa mga kalihukan nga nahan-ay pahaum sa kasaulogan sa Higalaay Festival ug naghatag sa kahigayonan sa mga Kagay-anon nga mapasundayag ang ilang mga talento.

Dose ka mga Kagay-anon ang mipasundayag sa ilang talento human nakasulod sa qualifying rounds nga gihimo diha sa Barangay Lapasan, Mambuaya, ug Carmen.

Napiling kampeon sa indigay si Arnel Nadonza nga nakadawat og P20 mil nga ganti ug tropiyo samtang nasakmit ni JB Kurt Payla ang 1st place ug natunolan sa P15 mil nga cash prize ug tropiyo samtang si Hanh Felicity Agawin ang nakakuha sa 2nd place nga nakadawat usab sa P10 mil nga cash prize.

Niini, si Konsehal Bernie Esparcia, co-chairman sa kalihukan, mipasalamat sa tanang nagsuporta ilabina ni Mayor Klarex Uy sa iyang dakong suporta ug pagsalig nga iyang panguluhan ang maong kalihukan.