Suzette nag-agni sa kabataan pag-apply sa 2022 College Scholarship Program

SI Konsehal Suzette Magtajas-Daba, chairman sa Komite sa Edukasyon, subling mipahibalo nga hangtod lamang ugmang adlawa, Marso 11, ning tuig ang katapusang adlaw sa pagdawat sa aplikasyon alang sa 2022 College Scholarships Program sa dakbayan.

Kini ang giluwatan sa konsehal atol sa miaging sesyon sa konseho ug gisegurado nga adunay dili mominus og usa ka libo nga scholarship grants ang bakante alang karong tuiga.

Dako kini kaayo nga kahigayonan sa tanang umaabot first year college nga mga tinun-an sa syudad nga kun mapili silang benepisaryo sa maong programa makahuman gyud sa ilang pag-eskwela aron mahatagan sa hayag nga kaugmaon, dugang sa konsehal.

Siya kusganong nanawagan sa mga ginikanan ug giawhag ang mga interesado ug kwalipikadong tinun-an nga mag-apply online pinaagi sa link: bit.ly/ISDAApplication2022 sugod sa alas 8:00 sa buntag hangtod sa alas 5:00 sa hapon.

Ang maong link pagasirhan ug dili na pwede modawat sa aplikasyon kun molapas na sa Marso 11.

Alang sa dugang impormasyon sa pagbisita sa FB page CdO City Scholarships Office o’ mamahimong motawag sa numero 09298190819.