Suzette motuon sa gilarawng OJT sa mga tinun-an sa St. Rita’s College

Konsiderahon sa komite sa edukasyon ni Konsehal Suzette Magtajas-Daba, ang sugyot ordinansa nga maghatag og katungod ni Mayor Rolando “Klarex” Uy pagpirma sa Memorandum of Understanding (MoU) tali sa St. Rita’s College of Balingasag.

Kini kabahin sa on the job training (OJT) sa mga tinun-an sa tunghaan alang sa ilang mga tinun-an sa Bachelor of Science in Information Technology (BSIT).

Sa maong kasabotan, ang panag-uban nagtumong sa paghatag og kahibalo sa mga tinun-an ug pagpalambo sa kasinatian dala ang paglaum nga mamahimong mahanas sa ilang napiling propesyon.

Niini, nanghinaut si Daba nga makatambong ang kadagkoan sa maong tunghaan ug mga hintundang ahensya sa City Hall sa gitakdang tigom sa umaabot nga semana aron makapadayag sa ilang panahom ug opinyon.