Suzette motuon sa gilaraw’ng proyekto sa Carmen High SPTA

Gipaabot tun-an sa komite sa edukasyon ni Konsehal Suzette Magtajas-Daba ang giduso nga sulat hangyo sa kapunongan sa Student Parents Teachers Association (SPTA) sa Carmen National High School.

Kini naglangkob sa pagkompleto sa gitukod nga stage ug mga bleacher diha sa ilang covered court ingon man ang pagtul-id sa mga kanal dapit sa maong tunghaan.

Matod sa kapunongan nga apektado kaayo ang mga estudyante u gang ilang mga klase panahon sa ting-ulan tungod kay mabahaan ang ilang lugar.

Ang SPTA kusganong mihangyo sa kagamhanan sa dakbayan nga mahatagan unta og daling solosyon ang pagbaha sa dapit tungod kay nakahatag kini og dakong peligro sa mga tinun-an ilabina nga ang kalsada padulong sa tunghaan.

Dako ang ilang paglaum nga matabangan sa kagamhanan sa dakbayan pinaagi sa komite ni Konsehal Suzette dinha sa paghatag og katumanan sa ilang mga proyekto.