Suzette misuporta sa pagbakuna sa kabataan

HUGOT nga gisuportahan ni Konsehal Suzette Magtajas-Daba, chairman sa komite sa Edukasyon, ang pagpamakuna sa kabataan nga nag-eded og 5 ngadto sa 11 anyos dinhi sa syudad.

Gipasabot ni Konsehal Suzette nga dako ang pagpasalamat sa kagamhanan sa dakbayan uban sa Department of Health (DoH) sa dakong kalamposan sa gihimong paglusad sa unang adlaw sa pagpamakuna sa maong kategorya sa milabayng adlaw diha sa SM

Downtown Premier alang niadtong mga kabataan walay mga balatian samtang sa JR Borja General Hospital kadtong adunay mga comorbidity.

Gipasalamatan usab sa konsehal ang (DoH) managed vaccination sites nga nagsilbi sa ubang kabataan lakip na ang St. Francis Hospital, Polymedic Medical Plaza ug Capitol University Medical Center sa pag-abag aron makab-ot ang dakong kalamposan niini.

Nasayran nga kapin sa 10 mil ka mga bata dinhi sa dakbayan ang nagparehistro na sa online platform.

Gikalipay sa konsehal ang paghatag og pagpakabana sa mga ginikanan agi og tubag sa panawagan sa gobyerno sa pagproteher batok sa CoVid-19 ug pangandam na kini sa umaabot nga face to face classes sa syudad.

Dili lamang kini pagpangandam sa umaabot nga normal classes apan maghatag usab kini kanila og dakong proteksyon ug mapakgang ang pagkaylap CoVid-19.

Niini, kusganong nanawagan si Konsehal Suzette sa tanang mga ginikinan o guardian nga iparehistro ang ilang kabataan nga anaa sa maong age bracket pinaagi niini nga link

https://services.cagayandeoro.gov.ph:8087/vaccprereg/ ug pillion ang category E1.0 sa bata nga walay gihambin nga sakit o comorbidity ug E1.1 alang sa bata nga adunay comorbidity.