Suzette mipahalipay sa Kagay-anong Math Olympians

Si Konsehal Suzette Magtajas-Daba, chairman sa komite sa edukasyon, mainitong mipaabot og pahalipay sa tanang kagay-anong nagdala og garbo sa dakbayan didto sa World International Mathematical Olympiad (WIMO) 2022 Battle of the Gold Medalist. Ang WIMO gipahigayon niadtong Enero 6-9, 2023 sa Bangkok, Thailand.

Ang mga palarang tinun-an naglakip nila ni Rey Stephen Chua sa Xavier University Senior High School (XUSHS) kinsa nakakuha sa Gold medal sa Senior Secondary category; Silver medalists usab sila si Denn Ethan Josh Castro sa St. Mary’s School (Primary 5) ug Johnny Cape Nale sa City Central School (Kindergarten); ug Bronze medalists sila si Ethan Bryan See sa Oro Christian Grace School (Primary 5) ug Marie Nicole Andrea Vinas sa XUSHS (Senior Secondary).

Dako ang kalipay sa konsehal sa naangkong kalamposan sa lima ka mga tinun-an tungod kay ang ilang kalampusan nagdala og garbo dili lang sa dakbayan kun dili sa tibuok nasud.

Niini, si Konsehal Daba mipahalipay sa mga Kagay-anong tinun-an dala ang paglaum nga unta magpadayon ang ilang kalampusan alang sa pagkab-ot sa gitinguhang damgo sa kinabuhi. (RNQuiblat/SP)