Suzette malipayong mahatagan og kaarangan natad sa edukasyon

Gikalipay ni Konsehal Suzette Magtajas-Daba, Chairman sa Komite sa Edukasyon, nga hingpit nang mahatagan sa komportableng tunghaan nga hitsas sa pasilidad ang kabataan sa Barangay Lapasan.

Kini human gisubhan sa miaging semana ang upat ka andanang edifisyo nga adunay 12 ka lawak saringan dinha sa East City Central School. Nagpasalamat si Daba kang Mayor Klarex Uy sa paghatag kanunay og prayoridad sa natad sa edukasyon sa tinguha nga ang tanang kabataan sa dakbayan walay mapihig sa serbisyo nga itunol aron maangkon ang hayag nga kaugmaon.

Matod sa konsehal nga ang pagtukod og dugang mga edifisyo dinha sa mga tunghaan makatabang sa pagtunol sa de kalidad nga edukasyon ngadto sa kabataan dili lamang sa barangay diin kini natukod kun dili lakip na sa kasikbit nga mga dapit.

Naglaum ang konsehal nga ang hamugaway nga mga tunghaan nga hitsas sa pasilidad gawas nga makaaghat sa mga kabataan nga maghuman sa ilang pagtungha makatabang usab sa mga magtutudlo sa pagtubag sa kakulangon sa mga lawak saringan dala sa pagsaka sa mga enrollees sa dapit.