Sugyot pagsukip sa sign language sa curriculum tukion sa Komite sa Edukasyon, Social Services

Hiniusang magtigom ang komite sa edukasyon ni Konsehal Suzette Magtajas-Daba ug Social Services ni konsehal Girlie Balaba ugmang adlawa sa alas 2:00 sa hapon diha sa hawanan sa konseho.

Tukion sa tigom ang sugyot ni konsehal Girlie Balaba sa pag-integrate sa sign language diha sa kurikulum sa matag eskwelahan.

Niini, gidapit sa komite sila si city administrator, Atty. Roy Hilario Raagas, city legal officer, Atty Kenneth Tamala, DepEd Regional Director, Dr Arturo Bayucot, City Schoold Division Superintendent, Dr. Cherry Mae Reyes ug ang pipila ka mga kadagkoan sa ubang ahensya sa syudad aron paghatag sa ilang panahum ug opinyon.

Ang tigom gipaabot tambongan nila ni Bise Mayor Bebot Rodriguez, Konsehal Malou Gaane, Jay Pascual, Imee Moreno, George Goking, Yvy Emano, John Michael Seno, Ian Mark Nacaya, James Judith II ug Edgar Cabanlas