Sugyot pagpatuman sa tax amnesty, angay ihikling una -Konsehal Goking

KINAHANGLAN nga ipaagi sa proseso ug dili dalidalion ang pagpatuman sa paghatag og amnestiya sa interest ug penalties sa real property tax sa mga molupyo sa dakbayan.

Kini ang reaksyon ni Konsehal George Goking, chairman sa Komite sa Ways and Means, atol sa sesyon sa Konseho niadtong Lunes nga gidumala ni Bise Mayor Bebot Rodriguez, sa special report ni Konsehal Roger Abaday.

Matod sa Konsehal nga iyang gidayeg ang pagpakabana ni Konsehal Abaday apan kinahanglan mahibal-an ug moagi una kini sa proseso tungod kay ang lakang  nga susama niini kinahanglan nga dokumentado ug dili mahimo nga mobasi lang sa mga nadungog ug mga hungihong.

“It has to be black and white,” matod pa ni Goking.

Niini, gihangyo ni Konsehal Goking nga ihikling una kini labina kay ang mga lakang nga susama niini  dili mahuman sa  usa lamang ka hugna nga pagtuki.