Sugyot pag-usab sa ngalan sa USTP gipaluyohan

Hugot nga gisuportahan sa Konseho sa Dakbayan atol sa miaging sesyon nga gidumala ni Bise Mayor Bebot Rodriguez ang House Bill No. 1456 nga gipasaka ni Kongresman Rufus Rodriguez nga magbag-o sa ngalan sa University of Science and Technology of Southern Philippines ngadto sa University of Science and Technology of the Philippines (USTP).

Gipasabot nga sa pagpalabang sa balaodnon ang pulong “southern” usahay maghatag og impresyon nga magsilbi ug mag-focus sa mga tinun-an gikan lamang sa habagatang bahin sa nasud.

Ang USTP naila nang unibersidad nga nagtunol og mga kurso sa Science and Technology ug nag-una sa ubang mga unibersidad sa nasud.

Ang resolusyon nga gisagop sa konseho gipangamahan ni Bise Mayor Bebot Rodriguez ug gipaluyohan sa Komite sa Edukasyon ni Konsehal Suzette Magtajas-Daba ug Komite sa Pamalaod ni Konsehal Edgar Cabanlas.