Sugyot pag-instalar og CCTV sakabarangayan gisuportahan ni Calizo

“MAS sayun ang pagsulbad sa krimen uban sa tabang sa  CCTV.”

Kini ang reaksyon ni Konsehal Romeo Calizo, Chairman sa Komite  sa Public  Safety,  atol sa sesyon  niadtong Lunes  nga gidumala ni Bise Mayor Bebot Rodriguez mahitungod sa special report  ni Konsehal Ian Mark Nacaya nga naghangyo sa mga  opisyal  sa barangay sa pag-instalar og  CCTV   sa ilang tagsa-tagsa ka  barangay .

Si Konsehal Calizo mipasabot nga dako kaayong  tabang sa pagsulbad sa krimen ang CCTV labina sa kapolisan diha sa ilang himoong imbestigasyon.

Gani, matod  sa konsehal nga, panahon sa 19th City Council,  iya nang girekomendar  ang pag-instalar sa CCTV  agig suporta sa law enforcement  tungod kay dako kini og ikatabang  sa himoong imbestigasyon sa mga otoridad  ingon man usab  diha sa pagpatuman sa balaod sa trapiko.