Sugyot pag-establisar og forensic office konsiderahon Komite sa Public Order

KONSIDERAHON sa Komite Public Order atol sa tigom karong adlawa ang special report ni Konsehal Romeo Calizo alang sa pag-establisar og forensic office dinhi sa syudad.

Mahinumduman nga si Calizo mitaho nga  daghan nang dakbayan ug kalungsoran nga adunay kaugalingong  buhatan sa forensic  apan ang Cagayan de Oro nga maoy sentro sa rehiyon  wala niini nga matang sa buhatan nga dako untag  ikatabang sa pagsulbad sa mga krimen.

Gipasabot sa konsehal nga ang forensic dako kaayo og ikatabang  pagsulbad sa mga krimen hinungdan nga iyang gilantaw nga mapundohan kini sa syudad.

Gidapit sa Komite  pagtambong sa tigom sila City Administrator Atty. Roy Hilario Raagas , City Legal Officer Atty. Kenneth Tamala, Ms. Roxanne Mae Ravidas sa buhatan sa City Budget, Ms. Chedilyn Aissa Dulguime sa City Planning and Development Office, City Police  Director P/Col. Salvador Radam, DILG-City Director Edward Bhagwani, Director sa Benjamin Gaspi sa Philippine Drug Enforcement Agency, Dir. Patricio Bernalez Jr sa  National Bureau  of Investigation  (NBI) ug Dr. Gerry Cano, Dean sa  School of Criminology and Crime Justice –Cagayan de Oro College.