Sugyot ordinansa mag-institutionalize sa mga programa sa solo parents tukion sa komite ni Dahino

MAGTIGOM ugma sa alas 2:00 sa hapon diha sa hawanan sa konseho ang komite sa Women and Family Relations nga dumalahon ni Konsehal Edna Dahino.

Tukion sa komite atol sa maong tigom ang sugyot ordinansa nga mag-instutionalize sa mga programa, serbisyo, prebilihiyo ug benefisyo sa mga Solo Parents ug ingon man sa ilang mga anak.

Gidapit sa komite sa pagtambong sa tigom sila si Michael Christopher Fabello ug Apple Dawns Tabafa sa City Social Welfare Department (CSWD), Daisy Ramos, Mae Singanon sa Department of Social Welfare and Development (DSWD), Acting City Administrator Teodoro Sabuga-a Jr., City Legal Officer Atty. Jose Sabanal ug Ermin Stan Pimentel sa City Housing and Urban Development Department (CHUDD).

Gidapit usab sa komite sila si Raymundo Telimio, Jr. sa Cagayan de Oro Chamber of Commerce and Industry Foundation Inc., Ashary Abanto sa Technical Education and Skills Development Authority (TESDA) ug uban pang mga personahe nga may kalambigitan sa maong hisgutanan.