Suan pabor maka-operate mga bao-bao

PABOR si Konsehal Aga Suan sa gihangyong operasyon sa bao-bao ug habal-habal dinhi sa syudad. Kini ang pamahayag sa konsehal atol sa milabayng tigom sa Komite sa Public Utilities ni Konsehal Romeo Calizo human gituki ang hangyo sa Pagatpat Relocation Site Tricycle Tricab Operators and Drivers Association (PARESTODA), Inc. nga mahatagan sa kahigayonan nga mamahimong legal ang ilang operasyon.

Gipasabot ni Suan nga siya uyon nga mahatagan sa panugot ang operasyon tungod kay makahatag kini og kapanginabuhian sa mga molopyo ug angayan nga mahimong legal ang ilang operasyon. Ang problema sa PARESTODA giduso ni Kongresman Lordan Suan ngadto sa Konseho sa syudad sa tinguha nga mapangitaan kini og solosyon.