Suan naninguha matukod University of Cag de Oro

ANG tanang kabatan-onan adunay katungod nga makaangkon sa de kalidad nga edukasyon alang sa kaarangan sa ilang kinabuhi.

Mao kini ang gibarugan ni Konsehal Aga Suan sa iyang pagduso sa sugyot ordinansa nga magmugna og state university kun Unibersidad sa dakbayan sa Cagayan de Oro.

Gipasabot ni Suan nga hangtod ning panahona walay ni isa ka institusyon o eskwelahan sa dakbayan sa Cagayan de Oro nga nitanyag og libreng pagtungha sa kolehiyo.

Dako ang papel sa gobyerno nga maghatagan sa prayoridad ang edukasyon ilabina niadtong mga ginikanan nga walay kapas magpahuman sa pagpaeskwela sa ilang mga anak, pamahayag sa konsehal.

Matod niya nga usa ang edukasyon nga makahatag og dugang kaugmaran dili lamang sa

kinabuhi sa matag tinun-an kun dili lakip na sa komuninad.

Ang maong sugyot ordinansa ni Suan gipaabot konsiderahon sa komite sa edukasyon ni Konsehal Suzette Magtajas-Daba. (SP/RNQuiblat)