Suan misuporta sa lakang pagsumpo sa pagpameke sa biz permit certificate

ANGAYAN nga ipaabot ang kusganong mensahe ngadto sa publiko nga wala gitugot sa kagamhanan sa dakbayan sa Cagayan de Oro kining mga pagpameke sa business permit certificate nga gihuptan sa mga negosyante.

Kini ang hugot nga gibarugan ni Konsehal Aga Suan sa milabayng tigom sa komite sa trade and commerce nga gidumala ni Konsehal George Goking human gituki ang reklamo nga nadawat kalabot sa pagpameke sa mga giluwatang business permit certificate. Gipasabot ni Suan nga dili kini makapahimuot nga isyu maong angayan kini nga hatagan sa igong pagtagad aron masumpo sa labing daling panahon. "I believe we have zero tolerance for such illegal paraphernalia, dili kini tiaw", pamahayag ni Konsehal Suan.