Solidwaste Mgmt Law sa Kauswagan konsiderahon sa barangay affairs

Gipaabot konsiderahon sa komite sa barangay affairs ni Konsehal Alam Lim ang gipalabang nga Mandatory Waste Segregation ordinance sa barangay Kauswagan.

Ang maong balaod nag-require sa tanang panimalay, commercial ug business establishments, mga institusyon, industrial establishments ug agricultural areas nga nahimutang sa teritoryo sa barangay sa pagbahin bahin sa ilang mga basura ngadto sa biodegradable/compostable, recyclable ug residual o’ special waste.

Niini, gidili ang paggawas ug paglabay sa basura gawas sa mga panimalay ug establisamento sa panahon nga dili pa schedule sa pagkolekta sa basura. Gidid-an usab si bisan kinsa sa pagsunog sa mga residual o’ special wastes ug pagkuha sa mga recyclable materials nga gitaganang kolektahon sa mga gihatagan sa katungod sa pagkolekta.

Ang ordinansa nagpahamtang og solidwaste management fee matag tuig nga kinahanglang bayaran sa unang duha ka bulan sa tuig balor P240 alang sa matag pamilya samtang P450 alang sa mga business establishments ug P P750 sa pagpakolekta sa special waste.

Aduna usay gipahamtang nga multa ug silot ang ordinansa sa mga masapong makalapas niini.