Solid Waste Management ordinance sa Lumbia giuyonan sa Konseho

GILANTAW nga hingpit nga makolekta ang basura ug matamtagam sa katawhan sa Barangay Lumbia ang kahindik sa ilang palibot.

Kini human ang Konseho sa sesyon  kagahapon nga gidumala ni Bise Mayor Bebot Rodriguez misagop og resolusyon  nga nag-uli sa ordinansa sa Lumbia  alang sa  ilang Solid Waste Management.

Tumong sa maong ordinansa nga  mapatuman ang hingpit ang pagbahin bahin sa mga basura kon waste segregation tungod kay dili lang kini magkunhod sa  gasto sa pagkolekta apan  magkonserbar usab kini kinaiyahan.

Gipasabot nga resposibilidad sa barangay nga  maimplementar ang Solid Waste Management System ubos sa Ordinance No. 13378-2018 alang sa hapsay ug hamugaway nga pagkolekta sa mga basura sa ilang dapit.

Ang resolusyon nga gipalabang sa Konseho alang sa maong katuyuan gipaluyohan sa komite sa barangay affairs ni Konsehal Yan Lam Lim ug Komite sa pamalaod ug reglamento ubos ni Konsehal Edgar Cabanlas. (JRGalano/SP)