Socialized Housing Program sa syudad nagpadayon

WALAY hunong ug nagpadayon ang programa sa kagamhanang lokal sa pagpangtunol ngadto sa mga kwalipikadong benepisaryo alang sa socialized housing program sa syudad.

Kini ang giluwatang pamahayag ni Konsehal Edgar Cabanlas, chairman sa komite sa Urban and Rural Poor and Housing Development, atol sa tigom sa komite niadtong milabay’ng Miyerkules human naghangyo ang magtiayong Rogelio ug Evangeline Simbajon sa Zone 9 Puntabon, Barangay Bonbon ning syudad nga mahatagan ug makabalhin sila sa relocation sa gobyerno kay anaa kini kasamtangang nanimuyo sa daplin sa creek nga kabahin sa danger zone.

Apan gitin-aw sa konsehal nga ipaagi gihapon sa insaktong proseso ug evaluation ang gustong makapahimulos sa maong programa sa goberno.

Nunot niini giduso ni Konsehal Cabanlas sa buhatan sa City Housing and Urban Development Department (CHUDD) ang hangyo alang sa tukmang aksyon ug rekomendasyon.