SK President Seno mitunol og ayuda ngadto sa katawhan sa dakbayan

NABATI ni Konsehal John Michael Seno, chairman sa komite sa Sports and Youth Development, ang grabeng kapit-os nga nasinati sa katawhan human napailawom sa Enhanced Community Quarantine ang syudad tungod sa pagtaas sa kaso sa COVID-19 virus.

Sa tinguha nga maalibyohan ang kalisod sa katawhan padayon nga nag-apod apod ug hinabang ang konsehal ngadto sa katawhan sa dakbayan.

Lakip sa nakadawat sa food packs nga gitunol ni Konsehal Seno uban sa iyang mga personahe ang mga motorela drivers, trisikad drivers ug pipila ka mamaligyaay sa daplin sa kadalanan.

Matod ni Konsehal Seno nga bisan ginagmay lang kini nga ayuda apan kinasing kasing tungod iyang kalipay nga kanunay makapangalagad sa katawhan sa tinguha nga maalibyohan ang ilang kalisod karong panahona.

Niini nanghinaot ang konsehal nga daghan pa ang iyang matabangan dala ang pag-ampo nga mahuman na kini nga pandemya aron makalingkawas ang tanan kalisod niining panahona.