SK annual budget sa Brgy. 19 giuyunan sa konseho

Atol sa ika-95 nga regular sesyon nga gidumala ni Presiding Officer Pro Tempore Councilor Romeo V. Calizo, gipasa sa konseho sa dakbayan ang usa ka resolusyon nga nag-aproba sa 2024 annual budget sa Sangguniang Kabataan sa barangay 19.

Ang maong budget naglakip sa kinitaan ug galastohon nga mokabat og ₱338,139.00, nga gikuha gikan sa napulo ka porsyento (10%) sa kinatibuk-ang pondo sa barangay, subay sa Republic Act 10742 o ang Sangguniang Kabataan Reform Act of 2015.

Gitagaan ug prayoridad sa maong SK ang mga programa alang sa youth development ug empowerment, diin ₱150,000.00 ang gi-apod apod sa mga proyekto nga nagtumong sa pagpalambo sa kabatan-onan sa mga aspeto sa edukasyon, environment pagpatunhay sa kalinaw ug seguridad, panglawas, social inclusion ug equity, active citizenship, ug maayong pang-gobyerno.

Ang resolusyon nga gisagop sa konseho alang sa maong katuyuan gipaluyuhan sa Komite sa Sports and Youth Development ni Konsehal Kenneth John Sacala ug Komite sa Pamalaod ni Konsehal Edgar Cabanlas.