Sisterhood pact tali’s CDO, Batac City aprobado na

PABORABLENG gikompirma sa Konseho sa Syudad ubos ni Bise Mayor Bebot Rodriguez ang gilagdaang Memorandom of Agreement (MOA) tali sa dakbayan sa Cagayan de Oro ug Batac, Ilocos Norte.

Kini human gipalabang sa konseho, sa sesyon niadtong Lunes, ang ordinansa nga nagmugna sa sisterhood agreement tali sa duha ka syudad nga gitinguha sa pagpalambo sa panagbayluay ug panagtambayayong sa duha ka lokal nga kagamhanan.

Tumong niini nga madugangan ang panagdait pinaagi sa pagsagop ug pagbayluay sa mga maayong gawi ug kalihokan alang sa malahutayong kalamboan sa natad sa edukasyon, negosyo ug turismo. (RNQuiblat/SP)