Sister ties on road safety tali sa CDO, Zamboanga City gipirmahan

MAGTAMBAYAYONG ang kagamhanan sa syudad ug ang dakbayan sa Zamboanga sa pagmugna sa mga stratehiya, teknolohiya, data ug ubang impormasyon kalabot sa mga insidente sa kadalanan, lakip na ang pagpatuman sa angayang mga lakang aron mahimong luwas ang tanan dinha sa kadalanan.

Photo grabbed from Councilor Daba's FB page

Kini human gipirmahan di pa dugay ang Memorandum of Understanding (MOU) tali sa Cagayan de Oro ug Zamboanga City nga may kalabotan sa Sisterhood Agreement on Road Safety.

Mahinumdoman nga ang konseho ubos ni Bise Mayor Bebot Rodriguez misagop sa Resolution No. 14721-2023 nga mihatag katungod ni Mayor Klarex Uy pagpirma sa maong kasabotan.

Niini dako ang pasalamat ni Konsehal Suzette Magtajas-Daba, Chairman sa Komite sa Sister City Relation, uban ang paglaom nga kini makapalambo sa programa sa dakbayan alang sa road safety.