Sistema sa panubig dihas Camaman-an mapalambo

Hayan makatagamtam sa dugang kaarangan sa supply sa panubig ang relocation site nga nahimutang sa Barangay Camaman-an nga naglangkob sa GK Berjaya, Sitio Paglantaw, Pag-asa, Fresville, Paglaum, Sta.Cruz ug lakip na sa sitio sa Tipolohon, Macapaya, Seminary Hill, Calavera, Pinikitan ug Adela Subdivision.

Kini human ang konseho sa syudad sa sesyon niadtong Lunes nga gidumala ni Bise Mayor Jocelyn “Bebot” Rodriguez hiniusang misagop sa resolosyon nga nagpadayag og pag-uyon sa aplikasyon sa JE Hydro & Bio-Energy Corporation alang sa pag-supply sa potable water sa maong mga dapit.

Si konsehal Romeo Calizo, chairman sa komite sa public utilities, energy and transportation ang nagpaluyo sa gisagop nga reslosyon mipadayag nga nakita niini nga dako kini ug ikatabang alang sa mga residente sa maong mga dapit.

Ang resolosyon nga gipalabang sa konseho alang sa maong katuyuan gipaluyuhan usab sa komite sa pamalaod ni Konsehal Ian Mark Nacaya. (MLRapanot/SP)