Seno pabor nga tukion sa Konseho ang mga mulo sa Food Panda riders

Maayo kaayo nga gipaabot kini nga mga isyu aron nga mahisgutan usab ang mga yango-ngo sa pipila ka Kagay-anon.

Kini ang gipadayag ni konsehal John Michael Seno, chairman sa komite sa sports and youth deve-lopment atol sa sesyon niadtong Lunes nga gidumala ni Bise Mayor Bebot Rodriguez agig reaksyon sa taho ni Konsehal Bernie Esparcia kabahin sa mga mulo sa Food Panda delivery riders.

Giklaro sa konsehal kun naa bay business permit ug certificate of no objection sa ilang operasyon ug nakakolekta ba ang syudad og buhis gikan niini.

Dugang ni Seno nga adunay mga pipila ka kagay-anon nga nagpaabot kaniya og mga sentimento nga usahay adunay pipila ka mga delivery rider moingon nga wala silay sukli resulta sa dili nalang masuklian ang nagpadeliver.

Niini siya hugot nga misugyot nga unta mahatagan og patas nga rekomendasyon ang mga mulo sa maong grupo ug ang sentimento sa pipila ka mga Kagay-anon.