Seno naninguha matunol kaarangan sa kinabuhi sa kabatan-onan

GILANTAW nga matunol ang dugang kalamboan dinha sa paghatag og gahum alang sa sektor sa kabatan-onan.

Kini ang gipaabot nga mapatuman human nadawat sa komite sa Sports and Youth Development ni Konsehal John Michael Seno ang DILG MC No. 2022-032 nga naghan-ay sa determinasyon sa quorum sa pagpahigayon sa asembliya sa Katipunan ng Kabataan dinhi sa dakbayan.

Tumong sa maong circular nga mapatuman ang palisiya nga maglatid sa gidaghanon sa magpundok nga kabatan-onan aron magamit nga basihan sa quorum matag pahigayon og asembliya.

Niini, si Seno nanawagan sa mga opisyal sa Sangguniang Kabataan (SK) nga makatambong sa ipatawag nga tigom nga magtuki sa nahisgotang Mermorandum Circular aron mapalapdan ang ilang kahibalo ug maabagan dinha sa papahigayon og mga asembliya.