Seno nanawagan og kooperasyon sa mga brgy pagkolekta sa basura

“UNSA ba ang kadaghanon sa makolekta nga mga basura ug diha ba mismo sa mga panimalay na segregate ba ang mga basura?”

Kini ang mga pangutana ni Konsehal John Michael Seno sa gitaho ni Konsehal Bernie Esparcia nga mulo sa mga molopyo sa syudad kalabot sa kalangan dinha sa pagkolekta sa basura.

Matod niya nga tungod sadugay’ng pagkolekta sa mga basura gibungkag na sa mga latagaw’ng iro ang nagawas nga basura sa mga molopyo nga nakaapekto sa kahugaw dinha sa kadalanan.

Dako iyang kabalaka nga mosaka ang kaso sa pagpamaak sa iro dinhi sa syudad kun dili masolusyonan ang maong kakulangon.

Niini, siya misugyot nga unta matutokan ang maong gipadangat nga mulo dala ang hangyo sa kooperasyon gikan sa mga barangay dinha sa pagmintanar sa kalimpyo.

Siya midugang og panawagan sa buhatan sa City Veterinary nga palapdan pa ang Oplan Pamatong aron mahipos ang mga latagaw’ng iro sa kadalanan.