Seno motuon sa hangyo sa mga batan-on sa brgy Kauswagan

TUKION sa komite sa Sports and Youth Development ni Konsehal John Michael Seno ang sulat hangyo sa kabatan-onan sa Barangay Kauswagan nga matugutang makadula sa Basketball Court dinha sa NHA Phase 1.

Ang mga batan-on sakop sa NHA Phase 1 Homeowners Association ug malaumon nga maabagan sa gobyerno nga mapatuman ilang mga programa sa paugnat sa kusog ug uban pang mga kalihokan alang sa kabatan-onan.

Dako ang paglaum sa mga batan-on nga sa pagpaubos ngadto sa Alert Level 1 sa IATF sa dakbayan aron mabalik ang kadasig sa pakiglambigit sa mga giandam nga kalihokan sa barangay.