Seno motuon sa gihimong pagkalot sa JE Hydro dihas Indahag-Camaman-an Rd

Hatagan og pagtagad sa komite sa public works and highways ni Konsehal John Michael Seno ang gisumeteng taho si buhatan sa City Engineer (CEO) kalabot sa nagpadayong pagkalot sa JE Hydro and Bio Energy Corporation diha sa kilid sa dalan sa Indahag-Camaman-an Road (South Diversion Road).

Giingon nga walay panugot gikan sa kagamhanan sa dakbayan ang gipahigayong pagkalot sa kompanya.

Sa sulat sa CEO, gipasabot nga subay sa Chapter 99 Section 454 sa 1994 Codified Ordinance gidid-an si bisan kinsa sa pagpahigayon og pagkalot kilid sa dalan o’ pagkuha sa bisan unsang materyales kilid sa dalan kun walay panugot gikan sa CEO nga aprobado sa mayor.

Ang maong permit kinahanglang nakapaskil diha mismo sa lugar diin gipahigayon ang pagtrabaho aron daling makita sa publiko ug mga inspector, police ug uban pang adunay katungod sa pagsusi sa kalihokan.

Gidugang usab sa CEO nga kadtong napamatud-ang nakalapas sa balaod pahamtangan og multa nga dili mominus sa P1,500 ug molabaw sa P3 mil o’ pagkapriso sa dili mominus upat ka bulan ug usa ka usa ka adlaw o’ dili molabaw sa walo ka bulan.