Seno motuki sa sugyot pagpatumansa Youthworks PH project sa CDO

MAGTIGOM karong alas 2:00 sa hapon diha sa hawanan sa konseho ang komite sa Sports and Youth Development ni Konsehal John Michael Seno.

Tipik sa tukion mao ang sugyot ordinansa nga maghatag og katungod sa mayor pagpirma sa Memorandum of Understanding (MoU) tali sa kagamhanan sa dakbayan ug Philippine Business Education (PBEd), Inc. alang sa pagpatuman sa Youthworks PH Project.

Ang maong lakang naglangkob sa kolaborasyon dinha sa implementasyon sa proyektong Youthworks PH nga gitinguha sa pagpalapad sa panag-uban tali sa gobyerno ug pribadong establisamento dinha sa paghatag sa de kalidad nga edukasyon.

Kini inubanan sa lain laing stakeholders alang sa pagkab-ot sa dugang kalamboan sa kinabuhi sa kabatan-onan.

Hisgutan usab sa komite ang gisumeteng SK annual budget sa Barangay No. 5, Mambuaya ug Bayabas

Gipaabot nga motambong sa tigom aron pagpaambit sa ilang mga panahum ug opinyon sila si Konsehal Roger Abaday, Jay Pascual, Imee Rose Moreno ug Edgar Cabanlas.