Seno motuki sa sugyot pag-intalar og road studs dihas nat’l hi-way

TUKION sa tigom karong alas 9:00 sa buntag diha sa hawanan sa konseho sa Komite sa Public Works ni Konsehal John Michael Seno ang panawagan ni Konsehal Edgar Cabanlas nga mag-instalar og road studs o’ cat’s eye sa mga national highway sa Cagayan de Oro.

Gipasabot ni Cabanlas nga tumong sa panawagan ang paghatag og kapasiguruan sa mga motorista.

Sa susamang higayon, hisgutan usab sa komite ang special report ni Konsehal James Judith II nga nagsugyot og pag-tukod og mga international standard road signages dinha sa mga doluna sa syudad aron masayran sa mga dumuduong ug motorista nga anaa na sila sulod sa teritoryo sa dakbayan.

Subay niini, gidapit ni Seno ang mga hintungdang ahensya sa gobyerno sama sa rehiyonal nga buhatan sa DPWH pagtambong sa tigom aron madungog ang ilang mga panahum ug opinyon sa maong panawagan.