Seno motuki sa sugyot Green Bldg ordinance

Gipaabot tukion sa tigom ugmang adlawa, Marso 3, 2023 sa komite sa Climate Change Adaptation and Mitigation and Disaster Risk Reduction ni Konsehal John Michael Seno ang sugyot ordinansa nga giduso ni Bise Mayor Bebot Rodriguez nga magpatuman sa Green Building Ratings, System and Regulations sa dakbayan.

Kini nunot sa tinguha sa bise mayor nga masagop ang mga lakang nga magpatuman sa hingpit sa Philippine Green Building Code dinhi sa syudad. Ang komite motuki usab sa lakang pagmugna og satellite offices sa CDRRMD ug Oro Rescue 911 diha sa Barangay Lumbia ug Agusan. Ang tigom gipaabot tambongan nila ni Konsehal Romeo Calizo, Roger Abaday, Yan Lam Lim, Ian Mark Nacaya, James Judith II ug Bise Mayor Bebot Rodriguez.

Niini, si Seno nagdapit sa mga hepe sa pipila sa buhatan sa City Hall ug representante sa pipila ka ahensya sa gobyerno aron makahatag sa ilang panahum ug opinyon sa mga butang nga pagahisgutan.